JSB பிலிம் ஸ்டுடியோஸ் சார்பில் தயாரிப்பாளர் JSB சதீஷ் பிரமாண்டமாகத் தயாரித்திருக்கும் படம் "அசுரகுரு" துப்பாக்கி முனையைத் தொடர்ந்து, விக்ரம் பிரபு மறுபடியும் ஒரு அட்டகாசமான ஆக்ஷன் கதாபாத்திரத்தில் நடித்துள்ளார். நாயகியாக, மஹிமா நம்பியார் நம்பியார் நடிக்க இவர்களுடன் பாகுபலி சுப்பாராஜ், யோகிபாபு, நாகிநீடு, ஜெகன், குமரவேல், மனோபாலா ஆகியோர் முக்கிய கதாபாத்திரங்களில் நடித்துள்ளனர்.
ஆஸ்கர் வெற்றியாளர் இசையமைப்பாளர் ஏ.ஆர். ரஹ்மான் இப்படத்தின் டீசரை வெளியிட்டதுடன் அசுரகுரு படத்தின் டீசரையும் படக்குழுவினரையும் வெகுவாகப் பாராட்டியிருக்கிறார். ஏ ஆர் ரஹ்மானின் பாராட்டில் அசுரகுரு, குழுவினர் மகிழ்ச்சியில் திளைத்துள்ளனர்.
சென்னை, உடுமலைப்பேட்டை, ஹைதராபாத் என்று அசுரகுருவை இயக்கிக் கொண்டிருக்கிறார் ஏ.ராஜ்தீப். கபிலன் வைரமுத்து, பழனிபாரதி பாடல்கள் எழுத இசையமைக்கிறார் கணேஷ் ராகவேந்திரா. சந்துரு மாணிக்கவாசகத்துடன் இணைந்து வசனங்களையும் எழுதுகிறார் கபிலன் வைரமுத்து. விசாரணை ராமலிங்கத்தின் ஒளிப்பதிவில் வளர்ந்து வரும் அசுரகுரு விரைவில் வெளியாகிறது.
