சந்தானம் நடிப்பில் பிரம்மாண்ட பட்ஜெட்டில் தயாராகி வருகிறது டிக்கிலோனா. இந்தப்படத்தின் பட்ஜெட் மட்டுமல்ல பிரமாண்டம், நடிகர்களின் லிஸ்டும் பிரமாண்டம் தான்.
சந்தானத்தோடு, இந்திய கிரிக்கெட் மற்றும் சென்னை சூப்பர் கிங்ஸ் சூப்பர் ஸ்டார் சுழற்பந்து வீச்சாளர் ஹர்பஜன் சிங், நாயகிகளாக நட்பேதுணை படம் மூலம் அழகாலும் நடிப்பாலும் ரசிகர்களை கவர்ந்திழுத்த அனகா மற்றும் நெஞ்சமுண்டு நேர்மையுண்டு படம் மூலமாக இளைஞர்கள் நெஞ்சில் தஞ்சம் அடைந்த ஷிரின், யோகிபாபு, ஆனந்த்ராஜ், முனிஷ்காந்த் என்று முத்தான மும்மூர்த்திகள், கணீர்க்குரல் நிழல்கள் ரவி, கலகலப்பான சித்ரா லெட்சுமணன், அதிரடி மொட்டை ராஜேந்திரன், ஷாரா, அருண் அலெக்ஸாண்டர் யுடியூப் விமர்சகர் இட்டிஸ் பிரசாந்த் என்று மக்களுக்கு பரிட்சயமானவர்கள் என்றில்லாமல் ரசிகர்களுக்குப் பிடித்தமான நடிகர்கள் பட்டாளத்துடன் பட்டையக்கிளப்பும் வண்ணம் வளர்ந்துவருகிறது, டிக்கிலோனா
சந்தானம் மூன்று வேடங்களில் நடித்து வரும் இப்படத்தை பல வெற்றிகரமான படங்களுக்கு திரைக்கதையில் உதவியாக இருந்த கார்த்திக் யோகி இயக்குகிறார்.
கனா படத்தின் இயக்குநர் அருண்ராஜா காமராஜ் மற்றும் சரவெடி சரண் பாடல்களை எழுதுகிறார்கள். இசை அமைப்பாளாராக யுவன் சங்கர் ராஜா, கேமராமேனாக ஆர்வி பணியாற்ற எடிட்டராக ஜோமின் அசத்த இருக்கிறார். நாயகன் அடிக்கும் ஒவ்வொரு அடியையும் ரசிகனை நம்ப வைக்கும் விதமாக கொரியோகிராபி செய்யும் தினேஷ் சூப்பராயன் சண்டைப்பயிற்சியை கவனிக்கிறார், ஆர்ட் டைரக்டராக A. ராஜேஷ் பணியாற்றுகிறார்.
ஒரு பக்கம் மிகப்பிரம்மாண்டமான நட்சத்திர பட்டாளமும், கேமராவிற்குப் பின்னால் மிகச்சிறந்த தொழில் நுட்பக்கலைஞர்கள் என்று இப்பொழுதே எதிர்பார்ப்பு எகிறவைத்துள்ள டிக்கிலோனாவை கே.ஜே.ஆர் ஸ்டுடியோஸ் சார்பாக கோட்டப்பாடி ஜே.ராஜேஷும், சோல்ஜர் பேக்டரி சார்பில் சினிஸும் தயாரிக்கின்றனர்.
