ஆசிட் வீச்சில் பாதிக்கப்பட்ட டெல்லியைச் சேர்ந்த லட்சுமி அகர்வாலின் வாழ்க்கையை மையமாக வைத்து எடுக்கப்படும் படம், ‘சபாக்’.பாஜிராவ் மஸ்தானி, சென்னை எக்ஸ்பிரஸ், பத்மாவதி போன்ற வெற்றி படங்களை கொடுத்த தீபிகா படுகோனே ‘சபாக்’ படத்தின் மையக்கதாபாத்திரமேற்று நடித்திருக்கிறார். இந்த படத்தில் தீபிகா நடித்தது மட்டுமின்றி தயாரித்தும் உள்ளார் என்பது குறிப்பிடத்தக்கது. இவருடன் மேக்னா குல்சார் மற்றும் ஃபாக்ஸ் ஸ்டார் ஸ்டுடியோவும் இணைந்து இப்படத்தைத் தயாரித்திருக்கின்றனர். 'ராஸி' படத்தை இயக்கிய மேக்னா குல்சார், சபாக்கை இயக்கியுள்ளார் .
தீபிகா படுகோனே உடன் விக்ராந்த் மாஷி நடித்துள்ளார் . கதைப்படி தீபிகா படுகோனே 2005 ஆம் ஆண்டு டெல்லியில் ஒரு தெருவில் ஆசிட் தாக்குதலில் பாதிக்கப்படுகிறார் . இவர் மீது ஆசிட் ஊற்றுபவன் அவரை விட 2 மடங்கு வயதில் மூத்தவன் . தீபிகா அவனின் காதலை ஏற்க மறுத்ததால் இந்த கொடூர சம்பவம் நடக்கிறது. .அதன் பிறகு வீட்டிலேயே முடங்கிக்கிடந்த தீபிகா தனக்கு நடந்த இந்த செயல் வேறு எந்த பெண்ணிற்கும் நடக்க கூடாது என எண்ணி ஆசிட் வீச்சில் பாதிக்கப்பட்ட பெண்களுக்காக நீதிமன்றத்தில் வழக்கு தொடுத்து வெற்றி பெறுகிறார். மேலும் ஆசிட் தாக்குதலுக்கு எதிராகவும் , விழிப்புணர்வு ஏற்படுத்தும் பல பிரச்சாரங்களில் ஈடுபடுகிறார் .
இந்த படம் பெண்களுக்கு எதிரான வன்முறையை மட்டும் சித்தரிக்காமல், அவர்களின் கருணை, பலம், நம்பிக்கை உள்ளிட்ட விஷயங்களையும் அலசியிருக்கிறது.
சபாக் திரைப்படம் 2020 ஜனவரி 10-ந் தேதி திரைக்கு வருகின்றது .
