நீ நடிடா கண்ணா…

வித் லவ் படத்தின் மூலம் கதாநாயகனாக அறிமுகமாகும் 100 கோடி கிளப்  இயக்குனர் அபிஷன் ஜீவிந்த், நடிக்கலாமா வேண்டாமா என்று அவருக்கு இருந்த தயக்கத்தை போக்கியவர் சூப்பர் ஸ்டார் ரஜினிகாந்த் என்று தெரிவித்தார்.

இது அவர் மேலும் கூறிய போது “என் முதல் நன்றிகள் அனைத்தும் ரஜினிகாந்த் சாருக்கே. நான் நடிப்பை தொடரலாமா என்ற பல சந்தேகங்கள் எனக்குள் இருந்த காலத்தில், சூப்பர் ஸ்டார் என்னை அவருடைய வீட்டுக்கு அழைத்தார். அப்போது அவர், ‘நீ நடி கண்ணா’ என்று சொன்னார். அந்த ஒரு வார்த்தையிலேயே என் எல்லா இன்செக்யூரிட்டிகளும் உடைந்துவிட்டது. அன்றே — என்ன நடந்தாலும் இந்தப் படத்தை நான் செய்ய வேண்டும் என்று முடிவு செய்தேன். இந்தப் படத்தின் வெற்றியை முழுவதுமாக சூப்பர் ஸ்டாருக்கே அர்ப்பணிக்கிறேன்.இயக்குநர் மதனுக்கு  நன்றி , டூரிஸ்ட்ஃபேமிலி பட ஷீட்டிங் போதே என்னை நடிக்கக் கேட்டார்,  “இந்தப் படத்தை நான் செய்ததற்காக எப்போதும் பெருமைப்படுவேன். டூரிஸ்ட்ஃபேமிலி படத்துக்குப் பிறகு எனக்கு நிறைய மரியாதை கிடைத்தது. ஆனால் இந்த படம் வெளியான பிறகு, மதனுக்கு அதைவிட இரட்டிப்பு மரியாதை கிடைக்கும். மகேஷ் அண்ணா ஒரு தயாரிப்பாளர் அல்ல எனக்கு எப்போதும் என் அண்ணன் தான். சௌந்தர்யா மேடம் டூரிஸ்ட்ஃபேமிலி படத்தின் போதே என்னை ஒரு ஸ்டார் என வாழ்த்தினார் அவர் நம்பிக்கையை காப்பாற்றி விட்டேன் என நம்புகிறேன். ஷான் எனக்காக வந்தார் அவருக்கு  நன்றி. அனஸ்வரா பெயர் தான் முதலில் வர வேண்டும் அத்தனை அற்புதமாக நடித்துள்ளார். படத்தில் நடித்த மற்ற அனைவருமே சூப்பராக நடித்துள்ளனர். படம் மிக சிறப்பாக வந்துள்ளது….” என்று தெரிவித்தார்.

தனக்கு நடந்த அனைத்து எதிர்மறையான விஷயங்களும் தன்னால் நடந்தது என்றும் தனக்கு நடந்த அத்தனை நேர்மறையான விஷயங்களும் வெற்றிகளும் தனது மனைவியால் நடந்தது என்றும் வித் லவ்வுடன் தனது காதல் மனைவியை பெருமைப்படுத்தியதும் குறிப்பிடத்தக்கது.