அனஸ்வரா மாதிரி பெண் வேண்டும் – மோகன் ராஜா

பாடலாசிரியர் மோகன்ராஜன் .

மிகவும் மகிழ்ச்சியாக இருக்கிறது. சௌந்தர்யா மேடம் பாடல் எல்லாம் நன்றாக வந்துள்ளது என சொன்னார்கள். நன்றி. அபி முதன் முதலில் டூரிஸ்ட் ஃபேமிலி படக்கதை சொன்ன போதே வியந்தேன் அவர் சீக்கிரமே ஹீரோவாக மாறுவார் என நினைத்தேன் ஆனல் அடுத்த படத்திலேயே ஆகிவிட்டார். மதனை டூரிஸ்ட் ஃபேமிலி படத்திற்கு முன்பிருந்தே தெரியும். அவர் ரசனையும் என் ரசனையும் ஒன்றாக இருக்கும். இப்படத்தில் உமா தேவி ஒரு பாடல் எழுதியுள்ளார் அதுவும் நன்றாக வந்திருக்கும் என நம்புகிறேன். இப்படத்தில் எனக்கு ஷான் ரோல்டன் இசையில் அற்புதமான பாடல்கள் அமைந்துள்ளது. அவருடன் மீண்டும் மீண்டும் வேலை பார்க்க ஆசைப்படுகிறேன். புது முயற்சியாக இந்த படத்தில் ஒரே மெட்டுக்கு ஆணின் கோணத்திலும் பெண்ணின் கோணத்திலும் ஆக பாடல் அமைந்துள்ளது. பெண்ணின் கோணத்தில் வரும் பாடலை உமாதேவி எழுதி இருக்கிறார்.

படம் பார்க்கும் எல்லோரும் .. ஏன்… எனக்கும் இப்படி அனஸ்வரா மாதிரி பெண் கிடைத்தால் எப்படி இருக்கும் என நினைப்பார்கள். அற்புதமாக நடித்திருக்கிறார். இப்படம் இந்த வருடத்தின் மிகப்பெரிய வெற்றிப்படமாக இருக்கும்.