இதுதான் வெற்றி என்பதா…- செளந்தர்யா ரஜினிகாந்த்

• K.Vijay Anandh

நேற்று இல்லாத மாற்றம் என்னது

தம்பி (மகேஷ் ராஜ் பசிலியன் ) என் காதில் ஏதோ சொன்னது

இதுதான் வெற்றி என்பதா

கனவு வென்று விட்டதா

நம்பிக்கை பிறந்துவிட்டதா

இறங்கி அடி மனமே ….

ஏ ஆர் ரஹ்மான் இசையில் சுஜாதா பாடிய சூப்பர் ஹிட்டான பாடலை, வித் லவ் படத்தின் வெற்றியைத் தொடர்ந்து செளந்தர்யா ரஜினிகாந்த் , இப்படித்தான் பாடியிருக்கக்கூடும் .

மகேஷ் ராஜ் பசிலியனுடன் இணைந்து தான் தயாரித்த வித் லவ் திரைப்படம் வெற்றியடைந்திருப்பது குறித்து செளந்தர்யா ரஜினிகாந்த், ” படம் வெளியாகி திரையரங்குகளில் வெற்றிகரமாக ஓடிக்கொண்டிருக்கிறது . தம்பி, என் காதில் அக்கா இவ்வளவு வசூல் என்று ரிப்போர்ட் வந்திருக்கிறது என்று சொன்னார் … போயஸ் கார்டானில் அப்பாவை சந்திக்க சென்றேன் .. கட்டிப்பிடித்து ம்ம்ம்ம் என்கிறார் … அப்பொழுது தான் முதன்முதலாக உணர்ந்தேன் , “இது தான் வெற்றியென்பதா ..” என்று … இந்த வெற்றி கொடுத்த தன்னம்பிக்கையுடன் , தொடர்ந்து படங்கள் தயாரிப்பேன் , புதிய திறமைசாலிகளுக்கு வாய்ப்பு கொடுப்பேன்..” என்றார்.

” அக்காவுக்கும் எனக்குமான உறவு வித் லவ் படத்தில் இருந்து தொடங்கியது அல்ல. எனது முதல் படம் தயாரிக்கும் முன்னரே அவருடன் நான் பழகிக்கொண்டிருக்கிறேன் . அவரது பெரிய சப்போர்ட் எனக்கு கடந்த 10 வருடங்களாகவே எனக்கு கிடைத்து கொண்டிருக்கிறது… நாங்கள் இருவரும் தொடர்ந்து பயணிப்போம் ..” என்றார்.

வித் லவ் படத்தின் மிகப்பெரிய வெற்றியை தொடர்ந்து , இருவரும் தமிழக முதல்வர் மு.க. ஸ்டாலினை சந்தித்து வாழ்த்து பெற்றனர்.